ئەردۆغان: لەگەڵ عێراق پەیوەندییەکانمان لەسەر بنەمایەکی جیاواز دادەنێین

ئاڤا نیوز

دەسەڵاتدارانی عێراق بە گرنگییەوە چاوەڕێی سەردانەکەی ئەردۆغان دەکەن و تورکیاش دەیەوێت پەیوەندییەکان بەرەو ئارستەیەکی نوێ ببات.

 

وێنە گەورەکە: چاوەڕوان دەکرێت 22ـی نیسان ڕەجەب تەیب ئەردۆغان، سەرۆککۆماری تورکیا سەردانی بەغدا بکات و پێدەچێت سەردانی هەولێریش بکات؛ ئەردۆغان و بەرپرسانی عێراق باس لە چەند پرسێکی گرنگی پەیوەست بە ئاسایش، ئاو، گازی سرووشتی و پرۆژەی ڕێگەی گەشەپێدان دەکەن.

 

لێدوانی فەرمی: ڕەجەب تەیب ئەردۆغان، سەرۆککۆماری تورکیا ڕایگەیاند: "سەردانی بەغدا دەکەم و ئەمجارە دەمانەوێت پەیوەندییەکانمان لەگەڵ عێراق لەسەر بنەمایەکی جیاواز دادەنێین".

 

ئەوەش بزانە: ئەردۆغان لەبارەی سەردانەکەیەوە بۆ عێراق گوتی، ڕەنگە سەردانی هەولێریش بکەم.