هەنییە سەردانی تورکیا دەکات و لەگەڵ ئەردۆغان کۆدەبێتەوە

ئاڤا نیوز

بڕیارە لە چەند ڕۆژی داهاتوودا، ئیسماعیل هەنییە سەرۆکی مەكتەبی سیاسی حەماس، سەردانی تورکیا بکات و لەگەڵ ڕەجەب تەییب ئەردۆغان سەرۆککۆماری تورکیا کۆ ببێتەوە. 

لێدوانی فەرمی: ڕەجەب تەییب ئەردۆغان، سەرۆککۆماری تورکیا، ڕایگەیاند " لە کۆتایی ئەم هەفتەیەدا ڕێبەری دۆزی فەلەستینی میوانی من دەبێت".

زانیاریی زیاتر: "ئەوەندەی خودا ژیانم پێبدات، بەرگریی لە خەباتی فەلەستین دەکەم و دەبمە دەنگی گەلی چەوساوەی فەلەستین." ئەردۆغان ئەوەشی گوت.

ئەوەی پێویستە بیزانیت: بە گوێرەی میدیاكانی تورکیا، کۆبوونەوەکەی ئەردۆغان و هەنییە، ڕۆژی شەممە، لە کۆشکی دۆڵمەباخچە لە ئیستانبوڵ بەڕێوەدەچێت.

وێنە گەورەكە: لەوكاتەوەی لە حەوتی ئۆكتۆبەری ساڵی ڕابردووەوە شەڕی نێوان ئیسرائیل و حەماس دەستیپێكردووە، توركیا بە ئاشكرا پشتیوانی خۆی بۆ حەماس دەربڕیوە.