بەریتانیا سەركۆنەی هێرشەكەی كێڵگەی كۆرمۆر دەكات

ئاڤا نیوز 

 

باڵیۆزی بەریتانیا لە عێراق، لەسەر هێرشەكەی كێڵگەی كۆرمۆر هاتە دەنگ و بە هێرشێكی ڕێگەپێنەدراو ناوی دەبات.

ڕاگەیێنراوی فەرمی: باڵیۆزی بەریتانیا لە عێراق لە تۆڕی كۆمەلایەتی ئێكس ڕایگەیاند: بەئامانج گرتنی ئابووری عێراق بۆ مەرامی سیاسی جێگای قبووڵكردن نییە.

چیی ڕوویدا؟ ئێوارەی دوێنێ هێرش كرایەسەر كێڵگەی غازی كۆرمۆر لە چەمچەماڵ و بەهۆیەوە چەند كەسێك گیانیان لەدەستدا و چەند كەسێكی دیكەش برینداربوون.

وێنە گەورەکە: کێڵگەی غازی کۆرمۆر ڕۆژانە چوار هەزار و 200 مێگاوات کارەبا بەرهەم دەهێنێت، بەهۆی هێرشەکەوە  وێستگەکانی بەرهەمهێنانی کارەبا وەستان و وەزارەتەکانی کارەبا و سامانە سرووشتییەکان لە هەوڵی خستنەکاریدان.