وەزیری شارەوانی: لە هەشت مانگی داهاتوودا 20 هەزار زەویی کارت تەواو دەکرێن

ئاڤا نیوز  

 

وەزیری شارەوانیی و گەشتوگوزاری حکومەتی هەرێمی کوردستان ڕایگەیاند، تا ئێستا پرۆسەی تاپۆکردنی ئەو زەوییانەی کارتیان هەیە بەردەوامە.

لێدوانی فەرمی: ساسان عەونی، وەزیری شارەوانیی و گەشتوگوزاری حکومەتی هەرێمی کوردستان بە كوردستان حەسەن پەیامنێری ئاڤا نیوزی گوت: "پڕۆسەی تاپۆکردنی زەویی کارت لەلایەن یەکەی گۆڕینی کارتی زەوی بۆ سەنەد بەردەوامیی هەیە و تا هەشت مانگی داهاتوو کارەکانیان تەواو دەبێت.

ژمارەکان وادەڵێن: بەگوێرەی لیژنەی یەکەی گۆڕینی کارت بۆ سەنەد، ئێستا نزیکەی 70 هەزار کارت کراونەتە سەنەد و نزیکەی 20 هەزار کارتی دیکە ماون، کە لە ماوەی هەشت مانگی داهاتوودا ئەوانیش تەواو دەکرێن.

بۆچی گرنگە: بەشێک لە هاووڵاتیان زەوییەکانیان بەهۆی ئەوەی نەکراوەتە سەنەد نەیانتوانیوە بیکەنە خانوو، بە تەواوبوونی مامەڵەکانیان دەتوانن دەست بە درووستکردنی خانوو لەسەر زەوییەکانیان بکەن.