ڕێبەر ئەحمەد: هەژماری من یەکێکە لە بەرنامە هەرە پێشکەوتووەکانی حکومەت

ئاڤا نیوز

وەزیری ناوخۆی حکومەتی هەرێمی کوردستان ڕایگەیاند، کەرتی دڵنیایی خزمەت بە هاووڵاتیان دەکات و پرۆژەی هەژماری منیش، یەکێکە لە بەرنامە هەرە پێشکەوتووەکانی حکومەتی هەرێمی کوردستان.

وێنە گەورەکە: لە چوارچێوەی هەوڵەکانی حکومەتی هەرێـمی کوردستان بۆ برەودان بە کەرتی دڵنیایی، وەزارەتی دارایی و ئابووری یەکەمین کۆنفرانسی دڵنیایی لە هەولێر دەستی بە کارەکانی کرد و لە کۆنفرانسەکەدا وەزیری ناوخۆ گوتارێکی پێشکەش کرد.

لێدوانی فەرمی: ڕێبەر ئەحمەد، وەزیری ناوخۆی حکومەتی هەرێمی کوردستان گوتی: کەرتی دڵنیایی خزمەتێکی گەورە بە هاووڵاتیان دەکات کە سەروماڵیان پارێزراو دەبێت و ڕێکخستنێکی دیکەی داراییە لە نێوان حکومەت و ‌هاووڵاتیاندا لە ڕێگەی کەرتی تایبەتەوە، داوا دەکەن هاووڵاتیان پشتگیریی لە پرۆژەکە بکەن.

زانیاریی زیاتر: کەرتی دڵنیایی پێویستی بە بوژانەوەی کەرتی بانکیی هەیە، چونکە یەکێکە لە سێکتەرەکانی دیکە کە سەرۆکوەزیران بارزانی، زۆر بە گرنگیی کاری لەسەر دەکات، هەژماری منیش، یەکێکە لە بەرنامە و هەرە پێشکەوتووەکانی حکومەتی هەرێمی کوردستان کە پەرە بە خزمەتگوزارییەکانی بانکیی لە هەرێمی کوردستان دەدات. وەزیری ناوخۆ وا دەڵێت.