کەمال وەرتی: عێراق لەڕووی دڵنیاییەوە لە دۆخێکی زۆر خراپدایە

ئاڤا نیوز

 

بەڕێوەبەری گشتیی باج و خانووبەرەی میریی لە هەرێمی کوردستان، ئاماژە بەوە دەدات بابەتی دڵنیایی وەکو پێویست ڕەنگی لەناو کۆمەڵگەی کوردەواری نەداوەتەوە و عێراقیش لە ڕووی کەرتی دڵنیاییەوە لە دۆخێکی زۆر خراپدایە.

 

لێدوانی فەرمی: کەمال وەرتی، بەڕێوەبەری گشتیی باج و خانووبەرەی میریی لە هەرێمی کوردستان بە ئاڤا نیوزی گوت: "بەهێزکردنی کەرتی دڵنیایی، بەهێزکردنی ژێرخانی ئابوورییە، عێراق لە بواری دڵنیاییەوە لە دۆخێکی زۆر خراپدایە و زۆر پێویستە گرنگی زیاتر بە کەرتی دڵنیایی بدرێت".

 

زانیاریی زیاتر: سەرۆکوەزیران بارزانی، داوای کردوە نابێت زیادکردنی باج، خەڵکی کەمدەرامەت بگرێتەوە و ئەو چاکسازییانەی تا ئێستا کراوە لە کەرتی کۆمپانیاکان بووە، ئەو ڕێکخستەوەی کراوە لەسەر کۆمپانیا گەورەکان بووە. کەمال وەرتی وادەڵێت.

 

خاڵە ئەرێنییەکان: بە دەیان هەزار کەس لە هەرێمی کوردستان قەرزداری سیستەمی باجن و بڕیارەکەی سەرۆکوەزیران لە بەرژەوەندیی خەڵکیدایە، لێخۆشبوون و کارئاسانی زۆر لە سیستەمی باج کراوە، ئەو باجەی وەردەگیرێت بۆ خزمەتکردنی خەڵک بەکار دەهێنرێتەوە.

 

گۆشەیەکی دیکەی دیمەنەکە: لەبارەی نەدانی باج و ڕێکارەکان بەڕێوەبەری گشتیی باج و خانووبەرەی میریی گوتی: ئەو کەسەی باج نادەن و خۆیان لە باج دەدزنەوە، سزا دەدرێن.