وەزیری وەبەرهێنانی هۆندوراس: بۆ وەبەرهێنان لە بواری کشتوکاڵ سەردانی هەرێمی کوردستان دەکەین

ئاڤا نیوز

 

وەزیری پەرەپێدان و وەبەرهێنانی هۆندوراس ڕایدەگەیێنێت، دیداری ساڵانەی وەبەرهێنان بۆ  لێک نزیکبوونەوە لەگەڵ ڕۆژهەڵاتی ناوەڕاست و هەرێمی کوردستان گرنگە.

 

وێنە گەورەکە: لە دیداری ساڵانەی وەبەرهێنان، 10 هه‌زار كه‌س له‌ سه‌رانسه‌ری جیهان به‌شدارییان کردووە، دیدارەکەش پشتگیریی 10 كه‌رتی سه‌ره‌كیی ئابووری ده‌كات.

 

لێدوانی فەرمی: میگوێڵ مێدینە، وەزیری پەرەپێدان و وەبەرهێنانی هۆندوراس بۆ کوردستان حەسەن، پەیامنێری دیپلۆماسی ئاڤا نیوز گوتی: "ئەم کۆنفرانسە زۆر گرنگە بۆ پیشاندانی دەرفەتی وەبەرهێنان و بەهێزکردنی پەیوەندیەکان لەگەڵ ڕۆژهەلاتی ناوەراست".

 

بابەتە ستراتیژییەکە: مێدینە ئەوەشی ئاشکرا کرد، زۆر گرنگە ئەم هەلە بقۆزینەوە لەگەڵ شاندی هەرێمی کوردستان گفتوگۆ بکەین، خاڵی هاوبەش و پلان و دەرفەتی وەبەرهێنان دابمەزرێنین، چونکە وەبەرهێنان لە سێکتەری کشتوکاڵ بۆ ئێمە زۆر گرنگە و پلانمان هەیە بێینە هەرێمی کوردستان.