وەزیری دەرەوەی ئیسرائیل: لە جەنگ بەردەوام دەبین

ئاڤا نیوز

 

هەرچەندە ئیسرائیل و حەماس لە دانوستاندن بۆ ئاگربەست بەردەوامن، بەڵام وەزیری دەرەوەی ئیسرائیل دەڵێت، تاوەکو كۆتاییهاتنی حەماس لە جەنگ بەردەوام دەبین.

 

وێنە گەورەکە: ئیسرائیل بەردەوام هێرش دەكاتە سەر ناوچەی ڕەفەح، ئەوەش بووەتە جێگەی نیگەرانیی وڵاتانی جیهان بە تایبەتی ئەمریكا، حەماس ڕایگەیاندووە ئامادەن بۆ ئاگربەست، ئیسرائیلیش داوای ئازادكردنی دیلەكان دەكات و دەڵێت تاوەکو كۆتاییهاتنی حەماس لە جەنگ بەردەوام دەبن.

 

لێدوانی فەرمی: ئیسرائیل كاتز، وەزیری دەرەوەی ئیسرائیل گوتی: "با حەماس دڵنیا بێت وڵاتەكەمان لە شەڕ بەردەوام دەبێت تاوەکو ئەو كاتەی كۆتایی بەو گرووپە دەهێنین".

 

هۆكارە زانراوەكان: ئیسرائیل، حەماس بە مەترسی سەرەكی دەزانێت بۆ سەر وڵاتەكەی، لە دوای ڕووداوەكانی 7ـی ئۆكتۆبەری ساڵی ڕابردووەوە بڕیاری كۆتایی لەبارەی ئەو گرووپە داوە و دەڵێت، دەبێت لەناویان ببەین.