ئیسرائیل خۆی بۆ هێرشی سەر ڕەفەح ئامادە دەکات

ئاڤا نیوز

سەرەڕای نیگەرانییە نێودەوڵەتییەکان، ئیسرائیل ژمارەیەکی زۆر سەربازی بە چەکی قورسەوە لە نزیک ڕەفەح کۆکردووەتەوە. 

وێنە گەورەکە: ئیسرائیل جاروبار ڕۆژهەڵاتی ڕەفەح بۆردومان دەکات و دەیەوێت هێرشی زەمینی بکاتە سەر شارەکە. هاوکات، ئەمریکا ڕایگەیاندووە دژی هێرشەکەیە و لە ئەگەری ئەنجامدانیدا ناردنی چەک بۆ ئیسرائیل ڕادەگرێت.

زانیاریی زیاتر: سەرچاوە تەندرووستییەکانی غەززە ڕایانگەیاندووە: بە هۆی گولەی تۆپی تانکەکانی ئیسرائیلەوە سێ کەس لە ڕۆژهەڵاتی ڕەفەح کوژراون. وەزارەتی تەندرووستیش هۆشداریداوە لەوەی کە داخرانی سنوورەکە گەیاندنی پێداویستییەکانی بۆ نەخۆشخانەکانی ڕەفەح پەک خستووە. 

لە لایەكی دیكەوە: حەماس ئیسرائیل تۆمەتبار دەکات بەوەی کە دەیەوێت بە هێرشکردنە سەر ڕەفەح بەربەست لە بەردەم دانوستانەکانی ئاگربەست درووست بکات.