لیژنەیەکی پسپۆڕ لە مرداربوونەوەی نەورەسەكان دەكۆڵێتەوە

ئاڤا نیوز

 

لیژنەیەکی پسپۆڕی وەزارەتی تەندروستیی حكومەتی هەرێمی كوردستان، بە مەبەستی بەدواداچوونی زانستی بۆ مرداربوونەوەی باڵندە نەورەسەکان سەردانی دەڤەری ڕاپەڕین دەکات.

ڕاگەیێنراوی فەرمی: بە فەرمانی وەزیری تەندروستی، لیژنەیەکی پسپۆڕ سەردانی دەڤەری ڕاپەرین دەکات بە مەبەستی بەدواداچوونی زانستی لەسەر هۆکاری مرداربوونەوەی باڵندە نەورەسەکان و  ھەماھەنگی لەگەڵ فەرمانگەکانی ڤێتەرنەری و چۆنیەتی ئەنجامدانی ڕووپێو و و ئەنجامدانی پشکنینی تاقیگەیی.

بۆچی گرنگە: مەبەستی سەردانی لیژنەکە بۆ پاراستنی تەندروستیی ھاووڵاتییان و ڕێگەگرتنە لە ئەگەری گواستنەوەی ھەر ڤایرۆسێک لە نێوان باڵندە و مرۆڤدا.

گۆشەیەکی دیکەی دیمەنەکە: شەوی ڕابردوو وەزارەتی تەندروستیی ڕایگەیاند، داوا لە هاووڵاتییان دەکەن بە ھیچ شێوەیەک سەردانی شوێنی نەورەسەکان لە دەریاچەی دووکان نەکەن.

باكگراوند: دوو ڕۆژ لەمەوبەر کۆمەڵێک باڵندەی کێوی لە جۆری نەورەس لەسەر زێی بچووک تووشی نەخۆشییەکی تایبەت بوون، لە ئەنجامی پشکنینەکان دەرکەوتووە کە نەخۆشییەکە بە هۆی ڤایرۆسێکەوەیە.