سەرۆک بارزانی: ناكرێ ڕێگری هەبێت لەوەی پێكهاتەكان ڕۆڵی خۆیان لە پەرلەماندا ببینن

ئاڤا نیوز

 

سەرۆک مەسعود بارزانی لە میانی کۆبوونەوەی لەگەڵ باڵیۆزی ڤاتیکان لە عێراق ڕایگەیاند، ناكرێ بە هیچ شێوەیەک ڕێگری هەبێت لەوەی پێكهاتەكان ڕۆڵی خۆیان لە ژیانی سیاسی و پەرلەمانیدا ببینن.

 

وێنە گەورەکە: ڕۆژی سێشەممە14-05-2024 لە سەڵاحەددین سەرۆک بارزانی پێشوازی لە میتیا لێسكۆڤار, باڵیۆزی ڤاتیكان لە عێراق كرد كە بە مەبەستی ماڵئاوایی و كۆتاییهاتنی ئەركەكانی سەردانی سەرۆک بارزانی كردبوو.

 

لێدوانی فەرمی: سەرۆک بارزانی جەختی کردووەتەوە لەوەی  كوردستان بە بوونی جیاوازی و ڕەنگاوڕەنگی جوانە، ناكرێ بە هیچ شێوەیەک ڕێگری هەبێت لەوەی پێكهاتەكان ڕۆڵی خۆیان لە ژیانی سیاسی و پەرلەمانیدا ببینن.

 

بۆچوونی لایەنی بەرامبەر: باڵیۆزی ڤاتیكان سوپاسی ڕۆڵی سەرۆک بارزانی كرد لە هەوڵەكانی بۆ بەدیهاتنی سەقامگیری و هەروەها پاراستنی كولتووری پێكەوەژیان و بەرگریكردن لە مافی پێكهاتە ئایینی و نەتەوەییەكانی هەرێمی كوردستان و عێراق.