سعودیە: هەرکەسێک بێ مۆڵەت حەج بکات سزا دەدرێت

ئاڤا نیوز 

 

وەزارەتى ناوخۆى سعودیە دەستى بە جێبەجیکردنى ڕێکارەکانى سزادانى ئەو کەسانە کردووە کە سەرپێچى لە ڕێنماییەکان دەکەن و لەو چوارچێوەیەشدا هۆشداری دەدات لە سزادانی ئەو کەسانە کە بێ مۆڵەت فەریزەى حەج بەجێدەگەیێنن.

 

وێنە گەورەکە: بڕیارە ڕۆژی 27ـی ئەم مانگە یەکەم کاروانی حاجییانی هەرێمی کوردستان لە ڕێگەی ئاسمانییەوە بەرەو سعودیە بەڕێ بکەون.

 

ڕاگەیێنراوی فەرمی: وەزارەتى ناوخۆى سعودیە دەڵێت: بەپێی ئەو سزایانەى دیاریکراون بۆ سەرپێچییەکان، هەرکەسێک جا هاووڵاتیی سعوودی بێت یان زیارەتکار، بێ وەرگرتنى ڕێگەپێدانی حەجکردن ئەو فەریزەیە ئەنجام بدات، بڕى 10 هەزار ڕیاڵ سزا دەدرێت کە دەکاتە 2 هەزار و 666 دۆلارى ئەمریکى.

 

ئەوەی لەوبارەیەوە دەگوترێت: ئەنجوومەنی باڵای زانایانی سعودیە ڕایگەیاند: هەرکەسێک بەبێ وەرگرتنی مۆڵەت بچێتە حەج "گوناهبارە"، چونکە کاریگەری لەسەر ڕێکخستنی ژمارەی حاجییان دەبێت کە ساڵانە خۆیان تۆمار دەکەن. 

زانیاریی زیاتر: بردنی حاجیان لە ڕێگەی ڤیزای ساڵی و بازرگانییەوە، دژی یاسایە و هەر کەس دەستگیر بکرێت، لێپێچینەوەی لەگەڵ دەکرێت".