پێشەوا هەورامانی: پاراستنی مافەکانی خەڵکی هەرێمی کوردستان باوەڕی تەواوی سەرۆکوەزیران بارزانییە

ئاڤا نیوز

 

پێشەوا هەورامانی، گوتەبێژی حکومەتی هەرێمی کوردستان لەبارەی سەردانەکەی سەرۆکوەزیران بارزانی بۆ بەغدا ڕایگەیاند، سەرۆکوەزیران بارزانی بۆ چارەسەری ڕیشەیی کێشەکان سەردانی بەغدای کردووە.  

 

وێنە گەورەکە: سەرۆکوەزیران بارزانی زنجیرەیەک کۆبوونەوە بەمەبەستی چارەسەری ڕیشەیی کێشەی مووچە، دەسپێکردنەوەی هەناردەی نەوت، گەنمی جووتیاران و چەند دۆسییەکی دیکە لەگەڵ سوودانی و بەرپرسی دیکەی باڵای عێراق دەکات.

 

لێدوانی فەرمی: پێشەوا هەورامانی، گوتەبێژی حکومەتی هەرێمی کوردستان ڕایگەیاند، "هەرێمی کوردستان نیەتی جددی و ڕاستگۆیانەی هەیە بۆ چارەسەری سەرجەم کێشەکان لەگەڵ حکومەتی فیدراڵ لەسەر بنەمای دەستوور و  پاراستنی مافەکانی خەڵکی هەرێمی کوردستان".

 

زانیاریی زیاتر: پاراستنی مافەکانی خەڵکی هەرێمی کوردستان باوەڕی تەواوی سەرۆکوەزیران بارزانییە لە یەکەم ڕۆژی دەستبەکاربونی کابینەکەی لەم ڕوانگەیەشەوە بۆ هەموو گفتوگۆیەکی بونیادنەرانە دەستپێشخەرین.

گوتەبێژی حکومەتی هەرێمی کوردستان ئەوەشی گوتووە.