لە یەمەن  بە هۆی هێرشێکی ئەمریکا و بەریتانیاوە 14 کەس کوژران

ئاڤا نیوز

هێرشی هێزەکانی ئەمریکا و بەریتانیا بۆ سەر پێگەی حوسییەکانی یەمەن بووە کە لە نۆڤەمبەرەوە بەردەوامن لە ئامانجگرتنی ئەو کەشتییانەی لە دەریای سوور و کەنداوی عەدەن هاتوچۆ دەکەن.

ئەوەی پێویستە بیزانیت: میدیا حوسییەکان بڵاوی کردووەتەوە هێرشەکان کراونەتە سەر ژێرخانی پەیوەندییەکان لە شارۆچکەی تەعز و بە هۆیانەوە 14 کەس کوژراون و زیاتر لە 30 کەسی دیکەش بریندار بوون.

زانیاریی زیاتر: هەروەها لە شارەکانی حودەیدە و سەنعای پایتەختی یەمەنیش، کە لە ژێر کۆنترۆڵی حوسییەکاندایە، دەنگی تەقینەوەی گەورە بیستراوە. 

وێنە گەورەكە: حوسییەکان بە پاساوی بەرگریکردن لە فەلەستین لە بەرامبەر هێرشی ئیسرائیل بۆ سەر غەززە، کەشتییە بازرگانییەکان دەکەنە ئامانج؛ ئەمریکا و بەریتانیاش بە پاساوی پاراستنی کەشتییە بازرگانییەکان حوسییەکان دەکەنە ئامانج.