بڕیار لەبارەی وەرگرتنی بڕی گەنمی جووتیارانی هەرێمی کوردستان دەدەرێت

ئاڤا نیوز

 

ئەنجوومەنی وەزاری ئابووریی عێراق کۆدەبێتەوە و بڕی گەنمی وەرگیراوی ئەمساڵی جووتیارانی هەرێمی کوردستان یەکلایی دەکرێتەوە.
 

وێنە گەورەکە: شاندی وەزارەتی کشتوکاڵ لەم ماوەیەدا دووجار چوونەتە بەغدا بۆ یەکلاییکردنەوەی بڕی وەرگیراوی گەنم، بەڵام لەسەر هیچ بڕێک ڕێکنەکەوتوون.

 

زانیاریی بەدەستهاتوو: سەرۆکوەزیران بارزانی لە کۆبووەنەوەی لەگەڵ سوودانی پرسی گەنمی جووتیارانی هەرێمی کوردستانی هێناوەتەوە بەرباس و سوودانی پێی گوتووە "لە کۆبوونەوەی ئەنجوومەنی وەزاری ئابووری پێشنیازەکەی هەرێمی کوردستان دەخرێتەڕوو و بڕیاری کۆتایی لەسەر ئەو بڕە دەدرێت کە ئەمساڵ لە جووتیارانی هەرێمی کوردستان وەردەگیرێت".

 

لێدوانی فەرمی:"هەرێمی کوردستان داوای وەرگرتنی 975 هەزار تۆن لە بەرهەمی ئەمساڵی جووتیاران دەکات، وەزیری کشتوکاڵی عێراق پێشنیازی وەرگرتنی 700 هەزار تۆنی کردووە، لە کۆبوونەوەی ڕۆژی دووشەممە 03-06-2024 بڕەکە یەکلایی دەبێتەوە". د. زیدا محەممەد، بەڕێوەبەری گشتیی پلاندانان و بەدواداچوون لە وەزارەتی کشتوکاڵ وای بە ئاڤا نیوز گوت.