بایدن: نەتانیاهۆ لە بەرژەوەندیی خۆی شەڕ دڕێژدەكاتەوە

ئاڤا نیوز

جارێکی دیکە جۆ بایدن سەرۆکی ئەمریکا داوای ئاگربەست دەکات، ئەو دەڵێت "نەتانیاهۆ لە ڕووی سیاسییەوە لە بەرژەوەندی خۆی شەڕ درێژ دەکاتەوە".

وێنە گەورەکە: ئەمریکا لەبەردەم گەورەترین هەڵبژاردندایە، ئەگەر جۆبایدن لە هەڵبژاردنەکەدا براوەبێت و بتوانێت ببێتەوە بە سەرۆکی ئەمریکا، پێدەچێت بەتەواوەتی هاوکارییەکانی ئیسرائیل ببڕێت، یەکێک لە پرسە گرنگەکان کە پەیوەستە بە هەڵبژاردنەکەی ئەمریکاوە پرسی ڕۆڵی ئەمریکایە لە ئاڵۆزییەکانی نێوان ئیسرائیل و حەماس.

لێدوانی فەرمی: لە چاوپێکەوتنێکدا لەگەڵ گۆڤاری تایم، جۆ بایدن ڕایگەیاند: " من داوای ئاگربەست بۆ غەززە دەکەم و چەندین هۆکار هەیە  بۆ ئەوەی بگەینە ئەو ئەنجامەی بنیامین نەتانیاهۆ لە پێناو پاراستنی بەرژەوەندی خۆی لە ڕووی سیاسییەوە شەڕ درێژدەکاتەوە".

زانیاریی زیاتر: "چەندین هۆکار هەن بۆ ئەوەی بگەینە ئەوەی کە نەتانیاهۆ لە پێناو پاراستنی بەرژەوەندی خۆی لە ڕووی سیاسییەوە شەڕ درێژدەکاتەوە، وڵاتانی عەرەبی داوایان لێ کردین بەشداربین لە پێشنیازی ئاگربەست بۆ گەڕانەوەی ئاسایش بۆ ناوچەکە و چارەسەری دوو دەوڵەت". بایدن وای گوت.