دوو کۆمپانیای هاوردەکردنی دەرمان و دەرمانخانەیەک لە شاری هەولێر داخران

ئاڤا نیوز

بەرپرسی چاودێری بازار و بازگەکانی دەرمان ڕایگەیاند، بەهۆی پابەند نەبوون بە ڕێنماییەکانی تەندروستی دوو کۆمپانیای هاوردەکردنی دەرمان و دەرمانخانەیەک لە شاری هەولێر داخران.

وێنە گەورەکە: چاکسازییەکانی کابینەی نۆیەم، لە کەرتی تەندروستی بەردەوامن، بۆ ڕێگریکردن لە ساغکردنەوەی دەرمانی ساختە و کۆنترۆڵکردنی نرخەکەی، لەو چوارچێوەیەدا نابێت هیچ دەرمانێك بە بێ ستیكەری فەرمی بفرۆشرێت. 

لێدوانە فەرمییەكان: د. گۆڤەند ڕەوەند، بەرپرسی چاودێری بازار و بازگەکانی دەرمان بە ئاڤا نیوزی ڕاگەیاند: لە هەولێر  دوو کۆمپانیای دەرمان و دەرمانخانەیەک بەهۆی پابەند نەبوون بە نرخ و ستیکەرەوە داخران، هەر دەرمانخانیەکیش پابەند نەبێ دادەخرێت.

لە لایەکی دیکەوە: د. سەرکار سورچی، گوتەبێژی وەزارەتی تەندروستی بە ئاڤا نیوزی ڕاگەیاند: وەزارەتی تەندروستی ئەوە دووپات دەکاتەوە هەر مامەڵەکردنێک بە دەرمان، بە دەر لە ڕێنماییە تەندروستییەکانی وەزارەتی تەندروستی و کوالێتی کۆنترۆڵی جۆرییەوە قەدەغەیە و ڕێکاری یاسایی دەگیرێتە بەر.