تا ئێستا یەک ملیۆن و 200 هەزار کەس بۆ حەج چوونەتە سعوودیە

ئاڤا نیوز

سعوودیە هەموو ئامادەکارییەکانی بۆ پێشوازی لە بەجێهێنەرانی فەریزەی حەج تەواو کردووە، تا ئێستا نزیکەی ملیۆنێک و 200 هەزار کەس گەیشتوونەتە ئەو وڵاتە. 

لێدوانی فەرمی: تۆفیق ڕەبیعە، وەزیری حەج و عومرەی سعوودیە، ڕایگەیاند: تا کۆتایی ڕۆژی پێنجشەممە، 5-6-2024، نزیکەی ملیۆنێک و 200 هەزار کەس بە مەبەستی ئەنجامدانی فەریزەی  حەج گەیشتوونەتە سعوودیە و هەموو قۆناغەکانی گەشتەکەیان بە ئاسانی و دڵنیاییەوە و بە گوێرەی مەرجە تەندرووستەکان ئەنجام دراوە.

ئەوەی پێویستە بیزانیت: وەزارەتی حەجی سعودیە هەڵمەتێکی فراوانی بۆ بڵاوکردنەوەی هۆشیاری سەبارەت بە مەترسییەکانی پێشێلکردنی یاسا و ڕێکارەکانی تایبەت بە حەج لە 20 دەوڵەتدا دەست پێکردووە. 

گۆشەیەکی دیکە: سعوودیە ڕۆژی 16-6-2024ـی وەک یەکەم ڕۆژی جەژنی قوربانی ئەمساڵ دیاری کردووە.