عەزیز وەیسی سێ کلیپی نوێ بۆ نەورۆز و جەژن بڵاودەکاتەوە

 ئاڤا دیجیتاڵ

 

‎هونەرمەند عەزیز وەیسی، بۆ نەورۆز و جەژنی ڕەمەزانی ئەمساڵ سێ کلیپی نوێی ئامادەیە و بەنیازە بڵاویان بکاتەوە. 

 

‎چیرۆکی سەرەکی: هونەرمەند عەزیز وەیسی سێ کلیپی نوێی بۆ سەرەتای ئەمساڵ ئامادەکردووە و بڵاویان دەکاتەوە، جیا لەوانەش ئامادەکاری بۆ ئاهەنگەکانی لە نەورۆز و جەژنی ڕەمەزان دەکات لە وڵاتەکانی ئەڵمانیا، نەرویج و ئەمریکا.  

 

‎لێدوانی تایبەت: "دوو کلیپم ئامادەیە و ڕۆژی دووشەممە 05-02-2024 لە تاران خەریکی دەرهێنانی کلیپێکی دیکە دەبم، تاوەکو نەورۆز دوو کلیپ بڵاودەکەمەوە یان ئەگەر کرا هەرسێکیان لە نەورۆزدا بڵاودەکەمەوە" هونەرمەند عزیز وەیسی وای بە ئاڤا نیوز گوت.

 

ئەمەش بزانە: لە ڕۆژانی 22، 23 و 24ـی مانگی ئادار لە ئەڵمانیا و نەرویج ئاهەنگم هەیە و جەژنی ڕەمەزانیش لە 12-04-2024ـەوە ئاهەنگەکانم لە ئەمریکا دەستپێدەکات.

 

‎زانیاری زیاتر: یەكێک لە بەرهەمەکانی عەزیز وەیسی بۆ شاری مەهاباد، گۆرانیی "ئاوەدان مەهاباد"ـە کە پێشتر چۆن گوتراوە هەر بەو جۆرە دەبێت، بەڵام بە میوزیکی نوێ و كلیپێكی نوێی بۆ کراوە، دەرهێنەرەکەشی ناسری حەیدەرییە، یەکێکی دیکە لە کلیپەکانی عەزیز وەیسی گۆرانییەکی هەورامی کۆنە، هۆنراوەی میرزا لیفڵا جوانرۆییە، دەرهێنەرەکەی پەیمان زەمانییە.  

 

‎باکگراوند: عەزیز وەیسی، هونەرمەندێكی میللیی ڕۆژهەلاتی كوردستانە، زۆربەی گۆرانییەكانی بەشێوازی فۆلكلۆری و ڕیتمی خێران و چەندین كلیپ و ئاهەنگی شەوانە و كۆنسێرتی تایبەتی هەیە.