بۆ پاراستنی حاجییان سعودیە تەکنەلۆژیای مۆدێرن بەکاردەهێنێت

ئاڤا نیوز

سعودیه‌ هه‌ندێک له‌و ڕێڕه‌وانه‌ی ‌حاجییان به‌کاریده‌هێنن، له‌ شوێنە ئایینیه‌کاندا دە‌گۆڕێت بۆ قیرێکی لاستیکیی نەرم.

لێدوانی فەرمی: دەسەڵاتی گشتی ڕێگاوبانەکانی سعودیه‌ ڕایگەیاند: ئەم داهێنانە زانستییە له‌ ڕێڕه‌وی پیادەی ژمارە شه‌ش جێبەجێ کراوە کە بەرەو شاخی ره‌حمە دەڕوات لە عەرەفات.

هۆکاره‌ زانراوه‌کان: به‌پێی لێکۆڵینه‌وه‌کانی وه‌زاره‌تی ته‌ندروستیی سعودیه‌، زۆربەی حاجییان بەدەست کێشەی پاژنەی پێیانه‌وه‌ دەناڵێنن بەتایبەتی بەساڵاچووان کە لە 53%ـی کۆی حاجییان پێکدەهێنن، بەهۆی جۆری ئه‌و قیره‌ ڕەقه‌ی لە ڕێگەکانی پیادەدا بەکاردەهێنرێت.

زانیاریی زیاتر: ئەم تەکنەلۆژیایە پشت بە دووبارە بەکارهێنانەوەی لاستیک دەبەستێت، کە لە ئەنجامی ڕیسایکڵ کردنی تایە کۆنه‌کان و تێکەڵەی قیردا دروست دەبێت.