ماكرۆن پەرلەمانی وڵاتەكەی هەڵوەشاندەوە

ئاڤا نیوز

 

سەرۆكی فەڕەنسا پەرلەمانی وڵاتەكەی هەڵوەشاندەوە و ڕۆژی 30 حوزەیرانی بۆ هەڵبژاردنی نوێ دەستنیشان كرد.

 

وێنە گەورەكە: بەشێكی زۆر لە ڕاستڕەوەكان لە هەڵبژاردنەكانی ئەوروپا توانیان دەنگی زۆرینە بەدەستبهێنن، ماكڕۆن ئەوە بەزیانێكی گەورە دەزانێت و دەڵێت، مەترسی بۆ سەر ئەوروپا دروست دەكات و ترسێكی گەورە بڵاو دەكاتەوە.

 

ئەوەی ئێستا ڕوودەدات: سەرۆكی فەڕەنسا پەرلەمانی وڵاتەكەی هەڵوەشاندەوە و 30 حوزەیرانی دیاریكرد بۆ ئەنجامدانی هەڵبژاردن و تووڕەیە لە بەدەستهێنانی زۆرترین دەنگ لەلایەن ڕاستڕەوەكانەوە بۆ پەرلەمانی ئەوروپا.

 

ئەوەی پێویستە بیزانیت: بەپێی یاسایی فەڕەنسا، هەركاتێك حیزبی دەسەڵات دەنگەكانی كەمی كرد و دەنگی پێویستی بەدەستنەهێنا بۆ هەڵبژاردنی شارەوانییەكان و پەرلەمانی ئەوروپا، سەرۆكی وڵات دەتوانێت پەرلەمانی وڵاتەكەی هەڵبوەشێنێتەوە، بەڵام بڕیارەكە "ناچاریی" نییە.

 

ئەمەش بزانە: كاتژمێر 11 بە كاتی هەولێر ئەنجامی هەڵبژاردنەكانی پەرلەمانی ئەوروپا ڕادەگەیێنرێت و پێشبینی دەكرێت زۆرترین ڕاستڕەو ببنە ئەندام.