لە 10 کاتژمێردا 8 ئاگر لە سنووری هەولێر دەکەونەوە

ئاڤا نیوز 

 

بەپێی لێدوانی بەرگریی شارستانی، تەنیا لە ماوەی 10 کاتژمێردا 8 ئاگر لە سنووری هەولێر کەوتوونەتەوە و بەهۆیانەوە دەیان دۆنم زەوی سووتاون.

 

وێنە گەورەکە: لە کاتژمێر 12:30 خولەکی شەوی ڕابردوو لە گردجووتیار ئاگر کەوتەوە، پێنج خولەک دواتر لەسەر ڕێگەی پیرمام و دواهەمینیان کاتژمێر 9:39 خولەکی بەیانی لە بنەسڵاوە بووە.

 

لێدوانی فەرمی: شاخەوان سەعید، گوتەبێژی بەرگریی شارستانیی هەولێر بە ئاڤا نیوزی گوت، "پێنج ئاگر لەلایەن تیمەکانمانەوە کۆنترۆڵ کراون، سێیان بەردەوامن و هێشتا کۆنترۆڵ نەکراون، بەشێکی زۆریان بەهۆی هەورە برووسکەوە بوون".

 

ئەوەی پێویستە بیزانیت: ئەو ئاگرانەی کەوتوونەتەوە تاوەکو ئێستا کۆنترۆڵ کراون.

کاتژمێر 12:30ی شەو لە گرت جووتیار.
کاتژمێر 12:35 ڕێگەی پیرمام.
 کاتژمێر 01:00 بەرەبەیان گوندی گرد مەلا.
 کاتژمێر 01:05 دارەتوو.
کاتژمێر 01:30 گردەڕەش.

ئەو ئاگرانەی کۆنترۆڵ نەکراون و بەردەوامن.

کاتژمێر 08:24 ڕێگەی کەرکووک 
کاتژمێر 08:56 ناحییەی قوپەقڕان.
کاتژمێر 09:39 بنەسڵاوە.