کاروان کامل و کوردستان بەدرخان دوێتێکی نوێ بڵاودەکەنەوە

ئاڤا دیجیتاڵ

هەریەک لە هونەرمەندان کاروان کامل و کوردستان بەدرخان، ئامادەکارییان کردووە بۆ جاری دووەم کلیپێک بەیەکەوە بڵاوبکەنەوە.

لێدوان: هونەرمەند کاروان کامل بە ئاڤا نیوزی ڕایگەیاند: لەگەڵ کوردستان بەدرخان ئەم هەفتەیە دوێتێکی نوێ بڵاودەکەینەوە بە ناوی (جێمکا رۆحا من).

ئەمانە بزانە: 

-کلیپەکە لە شاری ئەمستردامی ھۆڵەندا دەرهێنانی بۆ کراوە.

- ئاوازەکەی لەلایەن کاروان کاملەوە دانراوە. 

-بورهان زێباری هۆنراوەکەی بۆ نووسیوە.

-کاری کلیپ لەلایەن ستافێکی هۆڵەندییەوە بەسەرپەرشتی دەرهێنەر ئەحمەد جان تەکین کراوە.

 -شاھۆ شەریف کاری پرۆدیوسەری بۆ کردووە.

زانیاری زیاتر: ساڵی رابردوو هەردوو هونەرمەند کاروان کامل و کوردستان بەدرخان یەکەم کلیپیان بە شێوەی دوێت بڵاوکردەوە و  لەلایەن خەڵکەوە پێشوازییەکی باشی لێکرا، چاوەڕوان دەکرێت ئەم دوێتەشیان بەرهەمێکی ناوەزە بێت.