سێیەم حاجی هەرێمی کوردستان لە سعودیە کۆچی دوایی کرد

ئاڤا نیوز

 

سێیەم حاجی هەرێمی كوردستان لە مەككە كۆچی دوایی کرد، تا ئێستا چوار حاجی کورد لە سعودیە گیانیان لەدەستداوە.

ئەوەی پێویستە بیزانیت: ئەو حاجییە ناوی حەمە حەسەن عەبدوڵایە و لە دایکبووی 1969یە و دانیشتووی قەڵادزێیە، ئەمرۆ لە کێوی عەرەفە لە مەککە بە جەڵتەی دڵ کۆچی دوایی کردووە.

لێدوانی فەرمی: كاروان ستوونی، گوتەبێژی حەج و عومرەی هەرێمی كوردستان بە ئاڤا نیوزی گوت: "ئەمە سێیەم حاجی هەرێمی كوردستانە و چوارەم حاجی كوردە كە لەمەككە لەكاتی فەریزەی حەجدا گیانی سپاردبێت".

ئەمەش بزانە: پێشتر حاجییەکی کوردی خەڵکی ڕۆژئاوای کوردستان لە مەککە گیانی لەدەستدا.