13 حاجیی هەرێمی کوردستان گیانیان لەدەست داوە

ئاڤا نیوز 

 

بەپێی ئاماری بەڕێوەبەرایەتیی حەج و عومرە ژمارەی ئەو حاجییانەی تاوەکو ئێستا گیانیان .لەدەست داوە گەیشتووەتە 13 کەس

 

وێنە گەورەکە: تاوەکو ئێستا لەو ژمارە حاجییەی بە فەرمی گەشتی سعودیەیان کردووە، تەنیا یەک حاجی گیانی لەدەست داوە، حاجییانی دیکە بە ڤیزای یەک ساڵە چوونەتە سعودیە و هیچ تیمێکی تەندروستیان لەگەڵ نەبووە.

 

لێدوانی فەرمی: کاروان ستوونی، گوتەبێژی بەڕێوەبەرایەتیی حەج و عومرەی هەرێمی کوردستان بە ئاڤا نیوزی ڕاگەیاند: تاوەکو ئەم نیوەڕۆیە ژمارەی ئەو حاجییانەی گیانیان لەدەست داوە گەیشتووە بە 13 کەس و زیاتر لە 13 کەسی دیکەش تاوەکو ئێستا چارەنووسیان نادیارە.

 

زانیاریی زیاتر: کاروان ستوونی دەڵێت: هاووڵاتیەکی زۆر پەیوەندی دەکات کە لە ڕۆژی یەکەمەوە چارەنووسی کەسوکاریان دیار نییە، بەڵام ئێمە چونکە لیژنەکانمان کۆدی ئەو حاجییانەیان لانییە، بۆیە چارەنووسیان نازانرێت.

 

باکگراوند: ئەمساڵ بەپێی پلانی بەڕێوەبەرایەتیی حەج و عومرەی هەرێمی کوردستان، چوار هەزار و 685 کەس چوونەتە سعودیە بۆ بەجێهێنانی فەریزەی حەج، بەڵام مەزەندە دەکرێت بە هەزاران کەسی دیکە بە ڤیزای یەک ساڵە گەشتیان کردبێت.