یەکەمین دیبەیتی بەربژێرەکانی سەرۆکایەتیی کۆماری ئێران بەڕێوەدەچێت

ئاڤا نیوز

ئێوارەی ڕۆژی دووشەممە، 17-6-2024، یەکەمین دیبەتی تەلەڤیزیۆنیی بەربژێرەکانی سەرۆکایەتیی کۆماری ئێران بەڕێوەچوو. 

وێنە گەورەکە: 28-6-2024 هەڵبژاردنی پێشوەختەی سەرۆکایەتیی کۆماری ئێران بەڕێوەدەچێت و شەش بەربژێر پێشبڕکێی بەدەستهێنانی زۆرترین کورسی دەکەن. 

زانیاریی زیاتر: دیبەیتی یەکەم بۆ خۆناساندن و خستنەڕووی بەرنامەی کار و پلانەکانی بەربژێرەکانە، هەروەها بەربژێرەکان دیدگای خۆیان سەبارەت بە ئابووری، ڕزگاربوون لە گرانی و زیادکردنی بەرهەم دەخەنە ڕوو. 

ئەوەی پێویستە بیزانیت: بڕیارە لە میانەی ڕۆژانی بانگەشەی هەڵبژاردندا، پێنج دیبەیتی چوار کاتژمێری لە نێوان شەش بەربژێرەکەدا بەڕێوە بچن.

باکگراوند: بە هۆی کەوتنەخوارەوەی هێلیکۆپتەری سەرۆککۆماری ئێران لە 19-5-2024 و گیانلەدەستدانی، بڕیار لە سەر هەڵبژاردنی پێشوەختە درا.