سەرۆک بارزانی و شاندێکی بەریتانیا مەترسی سەرهەڵدانەوەی تیرۆر تاوتوێ دەکەن

ئاڤا نیوز

سەرۆک بارزانی لە سەڵاحەددین پێشوازی لە ئاندرۆ دیزلی، کونسوڵی گشتیی نوێی بەریتانیا لە هەولێر کرد، مەترسییەکانی سەرهەڵدانەوەی تیرۆر یەکێک بوو لە تەوەرەکانی کۆبوونەوەی نێوانیان.

ڕاگەیێنراوی فەرمی: بارەگای بارزانی بڵاوی كردەوە: لە دیدارەکەدا کە ڕۆزی کەیڤ، جێگری باڵیۆزی بەریتانیا لە عێراق ئامادەی بوو، سەرۆک بارزانی ئاماژەی بە پەیوەندیی دۆستانە و مێژوویی نێوان گەلی کوردستان و بەریتانیا کرد و هیوای خواست پەیوەندییەکان بەردەوام بن و زیاتر بەرەوپێش ببرێن.

لە لایەکی دیکەوە: کونسوڵی گشتیی بەریتانیا لە هەولێر سوپاسی هەڵوێستی سەرۆک بارزانی کرد، باسی لە پەیوەندییەکانی نێوان گەل و حکومەتی هەرێمی کوردستان و بەریتانیا کرد و ئامادەیی خۆی نیشاندا بۆ بەردەوامیدان و باشترکردنی ئەو پەیوەندییانە.

بابەتی ستراتیژی: دۆخی سیاسیی عێراق و ناوچەکە و مەترسییەکانی سەرهەڵدانەوەی تیرۆر تەوەری دیدارەکەی ئەمڕۆ بوون.