سەربەخۆخوازانی 'نیو کالێدۆنیا' لە فەڕەنسا دادگایی دەکرێن

ئاڤا نیوز

 

حەوت چالاکوانی سەربەخۆخواز، بە تۆمەتی تێوەگلان لە خۆپیشاندانەکانی مانگی ڕابردووی 'نیو کالێدۆنیا' بۆ فەڕەنسا دەگوازرێنەوە و لەوێ دادگایی دەکرێن. 

لێدوانی فەرمی: ییڤێس دوپاس، داواکاری گشتیی نۆومیا، ڕایگەیاند: "گوێزانەوەکە لە کاتی شەودا ئەنجام درا و بە ڕێگەی فڕۆکەیەکەوە بوو، ئەوان لەبەر هەستیاریی پڕۆسەکە و بۆ دوورکەوتنەوە لە هەر گوشارێک و تاوەکو لێکۆڵەرەوەکان لە دۆخێکی ئارامدا کارەکانیان ئەنجام بدەن، گوێزراونەتەوە". 

ئەوەی پێویستە بیزانیت: لە ناو دەستگیرکراوەکاندا 'کریستیان تێین'، سەرۆکی گرووپی (CCAT) هەیە کە گرووپێکی سەربەخۆخوازە.

باکگراوند: نیو کالێدۆنیا هەرێمێکە لە زەریای هێمن کە لە چەندین دوورگە پێکهاتووە و هێشتا لە ژێر داگیرکاریی فەڕەنسادایە، لە ماوەی ڕابردوودا چەندین جووڵانەوەی سەربەخۆخوازی تیایدا ئەنجام دران و فەڕەنسا سەرکوتی کردوون.