پشتیوانی "مقاوەمە"  لە حیزبوڵا سێ مەترسی بۆ عێراق دروست دەکات

ئاڤا نیوز  

پشتیوانی گرووپە چەکدارییەکانی عێراق لەژێر ناوی 'مقاومەی ئیسلامی لە عێراق' بۆ حیزبوڵای لوبنان، لەسەر سێ ئاست هەڕەشە لەسەر وڵاتکە دروست دەکەن.

وێنە گەورەکە: سوپای پاسداران ئامادەکاری کردووە بۆ هاوکاریکردنی حیزبوڵای لوبنان و بۆ ئەو مەبەستەش لەگەڵ سەرکردەکانی گرووپە چەکدارەکانی عێراق لە بەغدا کۆبووەتەوە.

کاریگەری و لێکەوتەکان: شارەزایانی ئەمنی لە عێراق پێیانوایە بە بەشداریکردنی گرووپە چەکدارییەکانی عێراق لە شەڕی ئیسرائیل و حیزبوڵا، هەڕەشە لەسەر عێراق دروست دەکەن لەسەر ئاستی ئەمنی و ئابووری و تەنانەت سیاسیش.

لێدوانی فەرمی: ئەمریکا پشتیوانی لە ئیسرائیل بکات، بنکە سەربازییەکانی ئەمریکا لە عێراق و سووریا لەلایەن مقاوەمەی ئیسلامی ڕووبەڕووی هێرش دەبێتەوە، لە بەرامبەریشدا ئەمریکاو ئیسرائیل وەڵامیان دەبێت. عیماد علو، شارەزای ئەمنی وای بە میدیای عێراقی گوتووە.

ئەوەی پێویستە بیزانیت: جیهان لە چاوەڕوانیی مەترسیی زیاتری شەڕی نێوان حیزبوڵا و ئیسرائیل دایە، کە بە هۆیەوە دۆخی ڕۆژهەڵاتی ناوەڕاست خراپتر ببێت و غەززەیەکی دیکە لە لوبنان دروست ببێت.