بەرنامەیەكی نوێ بۆ سزادانی تۆمەتبارانی ئاگركەوتنەوە دادەنرێت

ئاڤا نیوز 

بەڕێوەبەرایەتیی بەرگریی شارستانی هەولێر، ئامادەکاری بۆ دانانی بەرنامەیەکی نوێ بۆ ڕێگریکردن لە ئاگرکەوتنەوە دادەنێت.

وێنە گەورەکە: بەراورد بە ساڵانی ڕابردوو، ئەمساڵ زۆرترین ڕێژەی ئاگرکەوتنەوە لە پارێزگای هەولێر هەبووە.

لێدوانی فەرمی: موقەدەم شاخەوان سەعید، گوتەبێژی بەرگریی شارستانی هەولێر، بە ئاڤا نیوزی گوت: ئەو ئاگرانەی بە ئەنقەست دەکرێنەوە دەچێنە چوارچێوەی تاوان و دادگە یەکلاییان دەکاتەوە، بەتایبەت ئەگەر شوێنەکە گشتیی بێ ئەوا داواکاری گشتیی سزاکەی دیاری دەکات.

زانیاریی زیاتر: بەرنامەمان هەیە لەگەڵ قایمقامیەت و دەستەی گەشت و گوزار ئەو سەرپێچیانەی دەبینرێن، نووسراویان لەسەر دەکەین تا پێبژاردن (غەرامە) بکرێن، پێشنیازێکیش هەیە ئیدی خۆمان غەرامەی سەرپێچیکارەکان بکەین، بەڵام ئەمە دەبێ لەچوارچێوەی یاسا ڕێکبخرێت.