هونەرمەند جەلال عەبدوللا: بۆ ڤێ قوناغێ ب شێوازەکێ دی خزمەتێ کەین

ئاڤا دیجیتال

هونەرمەند جەلال عەبدوللا ئێك ژ ئەكتەرێن دیارێن دەڤەرا بەهدینان د وارێ دراما و هونەرێ كۆمێدیایێ یە ل گەل ئاڤا میدیا نوکە مژیلی ئامادەکاریێن بەرنامەیەکێ رادیۆیی نە کو دێ پێکڤە پێشکێشکەن و بۆ ئاڤا نیوز گوت: پشتراستم ئەڤ بەرنامە دێ گەلەک ب دلێ خەلکێ مەبیت.

هونەرمەند جەلالێ ٥٣ سالی دبێژیت: پشتی كۆ ئاوارەی وەلاتێ توركیا بووین و ل سالا 1991 ڤەگەریاینە هەرێما كوردستانێ، ل سالا 1992 مە دەست ب كارێ ئەكتەریێ كر و بەراهیێ ل ناڤا سەیرانێن نەورۆزێ دا مە رۆلێ خۆ گێرایە.

گۆتژی: مە دەست ب درۆستكرنا كۆما پەیاما ئامێدیێ كر ل وی دەمی ئەز و خەلیل قەدشی دامەزرێنەرێن سەرەکی یێن وێ كۆمێ بووین دگەل چەندین هەڤكارێن دیتر مە بەردەوام كارێن هونەری کرن و هەتا نۆكە نێزیكی هزار بەرهەمێن كۆمێدی و درامایێ مە کرینە.

هونەرمەند جەلال بەحسا ژیانا خۆ دیا خێزانی دکەت و دبێژیت: ئەز بابێ سێ كچانم ب ناڤێن(چیمەن، دیمەن، سیدرا) و ئەو بۆ من کور و کچن و گەلەک حەژێ دکەم.

" مە گەلەك بەرهەمێن هونەری هەنە، لێ فلمێ كۆمێدی یێ مە یێ(هرچێ و كێڤریشك و پۆلیس) خودان ناڤۆدەنگیەكا مەزن بوون و ئەز هزر دكەم ئەز ب وان كاران بەرنیاس بوومە" جەلال مستەفای وەسا گوت.

دۆپات ژی كر: بەرنیاسترین پەیڤ ل ناڤ بازار و جهێن گشتی دا بۆ من ژلایێ خەلكی ڤە دهێتە ئاراستەكرن پەیڤێن فلمەكێ ب ناڤێ(قادوی) بوو دەمێ من دگۆت(كێ؟كی؟چ كر؟كەنگی) ئەو پەیڤە کەفتبوونە سەر زارێ خەلکی و خۆشیێ ل ناڤ خەلكی دا پەیداکریە.


دەربارەی کارکرنا ل ئاڤا میدیا دبێژیت: ل سالا 2022 دا مە درامایەك ب ناڤێ(پەرلەمان) ل ئاڤا میدیا هەبوویە، دویڤدا ل سالا 2023 درامایەكا دیتر ب ناڤێ (چایخانە) مە بەرهەمئینایە و پێشكێشی خەلكێ خۆ كریە.

دەربارەی جورێن خوارنا حەژێ دکەت، گوت: خۆشترین خارن لنك من گۆشتە، ل گەلەك دراما و فلمان دا من گۆتیە ئەز حەش پارەی و درامایێ دكەم و هەلبەت پارە هەر تشت نینە، لێ پا ل ڤی دەمی بێیی پارە چ كارێن هۆنەری ناهێنە کرن.

نەڤەشارت ژی: راستە خەلكێ قەزا ئامێدیێ مە، لێ بتنێ چار سالان ل وێ دەڤەرێ ژیامە و پاشی هاتیمە دهۆكێ و ئەگەر بێژنە من دهۆك یان ئامێیدی دێ بێی دوو دلی بێژم دهۆك ژبەر كۆ تێکەلییا من نوکە پتر ل ڤێرێ یە و 20 سالە ل دهۆكێ دژیم.

دەربارەی کا کەژ چ رۆل دکەت، دبێژیت: خۆشترین رۆل و كارێ فلمێن كومێدی دا بۆ من ئەوە دەمێ كەسەك بكەڤیتە دەستێن من و خەلیل دا و ئەم رەوشا وی د فلمی دا تێك بدەین.

ئەو چەندە ژی گۆت: د ناڤ فلمان دا بۆ من خۆشە دەمێ خەلیل دگەل من بیت، گەلەک جاران دەمێ دفلمی دا گۆتنەكا نە راست بكەم ئێكسەر خەلیل تەماشەی من دكەت و دلێ من ب وێ بەرێ خودانێ خۆش دبیت و پشت راست دكەم كۆ ل نێزیك دێ ئەز و خەلیل پێكڤە ڤەگەرینە خزمەتا خەلكێ خۆشتڤی ب رێكا ئاڤا میدیا و دێ خۆشترین و باشترین پرۆگرام پێشكێشی وان كەین.