سعودیە دوا لە هاووڵاتییانی دەکات دەستبەجێ لوبنان جێبهێڵن

ئاڤانیوز 

باڵیۆزخانەی سعودیە لە لوبنان، داوا لە هاووڵاتییانی وڵاتەکی دەکات دەستبەجێ ئەو وڵاتە جێبهێڵن، لە هەمان کاتدا پابەند بن بە بڕیاری قەدەغەکردنی گەشتکردن بۆ لوبنان.

بۆچی گرنگە: ئەم بڕیارەی سعودیە لە کاتێکدایە، شەڕی لوبنان و ئیسرائیل ترسی بۆ وڵاتانی ناوچەکە دروست کردووە.

ڕاگەیێنراوی فەرمی: باڵیۆزخانەی سعودیە لە لوبنان لە "ئێکس" ڕایگەیاند: بە وردی چاودێری پێشهات و ڕووداوەکانی باشووری لوبنانی درواسێمان دەکەین.

زانیاریی زیاتر: سعودیە  بانگەوازی پێشووی خۆی دووپات کردەوە، کە هەموو هاووڵاتیان پابەندبن بە بڕیاری قەدەغەکردنی گەشتکردن بۆ لوبنان.

وێنە گەورەکە: جگە لە سعودیە، چەند  وڵاتێکی دیکەش داوایان لە هاووڵاتییانیان کردووە لوبنان جێبهێڵن و گەشتکردن بۆ ئەو وڵاتە بە مەترسی دەزانن، ئەمەش بەهۆی پەرەسەندنی ململانێ و هەڕەشەکانی حیزبوڵڵا و ئیسرائیل و ئەگەری دروست بوونی شەڕ.