کۆنگرێس پرۆژەیەکی هاوکاری بۆ ئیسرائیل ڕەتدەکاتەوە

ئاڤا دیجیتاڵ

 

لەگەڵ سەردانەکەی وەزیری دەرەوەی ئەمریکا بۆ ئیسرائیل، کۆنگرێسی ئەمریکا پرۆژەیاسایەک بۆ هاوکاری ئیسرائیل ڕەتکردەوە. 

 

وێنە گەورەكە: ئەنتۆنی بلینکن، وەزیری دەرەوەی ئەمریكا بۆ ئەنجامدانی ئاگربەست لەنێوان ئیسرائیل و گرووپە چەكدارەكان لە كەرتی غەزە، بۆ جاری پێنجەم سەردانی ئیسرائیل دەکات و كۆنگرێس پرۆژەیاسایەكی كۆمارییەكانی ڕەتكردەوە كە تایبەت بە هاوكاریی ئیسرائیل بوو.

 

ئەوەی ئێستا ڕوودەدات: ئەنجوومەنی نوێنەرانی ئەمەریکا 17.6 ملیار دۆلار بۆ ئیسرائیل خستە پرۆژەوە، بەڵام ڕەتكرایەوە، لەکاتێکدا دیموکراتەکان ڕایانگەیاند کە دەیانەوێت لەبری ئەوە دەنگ لەسەر پرۆژەیاسایەکی گشتگیرتر بدەن بۆ هاوكاریی ئیسرائیل، لەلایەكی دیکەوە ئەنتۆنی بلینكن، لە ئیسرائیلە بۆ ئەوەی كار لەسەر ئاگربەستێک بکات.

 

ژمارەكان وادەڵێن: 250 نوێنەر دەنگیان بە ڕەشنووسی یاساکە دا، 180 نوێنەریش ڕەتیانکردەوە و پەسەند نەکرا، چونکە بە ڕێکارێکی خێرا خرابووە ڕوو، کە پێویستی بە زۆرینەی دوو لەسەر سێی دەنگ هەبوو بۆ پەسەندکردنی، سەرەڕای ئەوەی 14 نوێنەری کۆمارییەکان دژی پرۆژەیاساکە بوون، 46 نوێنەری دیموکراتەکان پشتگیرییان لێکرد.

 

لێدوانە فەرمییەكان:
•    ئەنتۆنی بلینكن: ئەوەی بیستوومە، بە سەركردەكانی ئیسڕائیلی دەڵێم.
•    بنیامین نەتانیاهۆ، سەرۆکوەزیرانی ئیسرائیل: وڵاتەكەمان بەردەوامە لە ڕووبەڕووبوونەوەی تیرۆر
•    ڕاگەیاندنی حەماس: بەرگری لە خۆمان دەكەین

 

باگراوند: پێنج جار بلینكن سەردانی ڕۆژهەڵاتی ناوەڕاستی كردووە، شەڕ و پێكدادانەكان چوار مانگ زیاترە بەردەوامە، زیاتر لە 27 هەزار كەس گیانیان لەدەستداوە، زیاتر لە ملیۆنێک هاووڵاتی ئاوارەبوون، سوپای ئیسرائیل لە كەرتی غەزە ئۆپەراسیۆن دەكات وگرووپە چەكدارەكانیش هێرشدەكەنە سەر ئیسرائیل.