لیژنەی لێکۆڵینەوە لە مردنی جاجیانی ڤیزای یەک ساڵی دەستبەکار دەبێت

ئاڤا نیوز

لیژنەی لێکۆڵینەوە لە مردنی جاجیانی ڤیزای یەک ساڵی دوای گەیشتنەوەی حاجییان دەستبەکار دەبێت.

وێنە گەورەکە: ئەمساڵ ئەوانەی لەڕێگەی پلانی وەزارەتی ئەوقاف و کاروباری ئاینی چوونەتە حەج ژمارەیان چوار هەزار و 685 حاجی بووە،  بەهەزاران کەسی دیکە بە ڤیزای یەک ساڵە چوونەتە سعودیە و بەو هۆیەوە ژمارەیەکی زۆر هاونیشتمانی گیانیان لەدەستدا.

لێدوانی فەرمی: نەبەز ئیسماعیل، گوتەبێژی وەزارەتی ئەوقاف و کاروباری ئاینی بە ئاڤا نیوزی ڕاگەیاند: ئەمشەو دواین کاروانی حاجییان دەگەنەوە فڕۆکەخانەی نێودەوڵەتی هەولێر، هەفتەی داهاتوو ئەو لێژنەیە دەستبەرکار دەبێت کە پێکهێنراوە بۆ لێکۆڵینەوە لەو کۆمپانیایانەی بوونەتە هۆی مردنی حاجیانی ڤیزای یەکساڵە.

زانیاریی زیاتر: بەگوتەی نەبەز ئیسماعیل، هێشتا هیچ ئامادەکارییەک دیارنییە بۆ پرۆسەی حەجی ساڵی داهاتوو، بەڵام بڕیار وایە پلانێک جێبەجێ بکرێت کە بەتەواوی لەبەرژەوەندی خەڵک دەبێت.

ئەوەی پێویستە بیزانیت: ئەوانەی ئەمساڵ لەڕێگەی پلانی وەزارەتی ئەوقاف چوونەتە حەج تەنیا دوو حاجی گیانیان لەدەستداوە، بەڵام ژمارەی مردنی ئەو حاجیانەی بە ڤیزای یەک ساڵی چوونەتە سعودیە 29 حاجی بوون.