شاندێکى پەرلەمانی عێراق سەردانى فڕۆکەخانەى سلێمانى دەکات

ئاڤا نیوز

 

بڕیارە ڕۆژی سێشەممە شاندێکی لیژنەی گواستنەوە و پەیوەندییەکانی پەرلەمانی عێراق، سەردانى فڕۆکەخانەى نێودەوڵەتىی سلێمانی بکات.

 

وێنە گەورەکە: بۆ بەدواداچوونی کێشە و پێداویستی فڕۆکەخانەی سلێمانی و لە چوارچێوەی زنجیرە سەردانییەکانی بۆ فڕۆکەخانەکانی عێراق و هەرێمی کوردستان، شاندێکی لیژنەی گواستنەوە و پەیوەندییەکانی پەرلەمانی عێراق، سەردانی فڕۆکەخانەی سلێمانی دەکات.

 

لێدوانی فەرمی: کاروان یاروەیس، پەرلەمانتاری عێراق بە ئاڤا نیوزی گوت: ڕۆژی سێشەممە شاندێکی لیژنەى گواستنەوە و پەیوەندییەکانی عێراق سەردانی فڕۆکەخانەی سلێمانی دەکات و لەگەڵ بەڕێوەبەر و بەشەکانی فڕۆکەخانەکە کۆدەبنەوە".

 

هۆکارە زانراوەکان: شاندەکە ڕاپۆرتێک لەبارەی پێداویستی و گرفتەکانی فڕۆکەخانەکە ئامادە دەکەن.

 

ئەوەی پێویستە بیزانیت: زیاتر لە ساڵێکە تورکیا گەشتە ئاسمانییەکانی بۆ فڕۆکەخانەی سلێمانی ڕاگرتووە و لەسەرەتای ئەم مانگە ماوەی ڕاگرتنی گەشتە ئاسمانییەکانی تاوەکو مانگی کانوونی یەکەمی ئەمساڵ درێژکردەوە.