سەرۆککۆماری هەڵبژێردراوی ئێران: ڕێگە ناهەموارە بەتەنیا جێم مەهێڵن

ئاڤا نیوز

مەسعود پزشکیان، سەرۆککۆماری هەڵبژێردراوی ئێران، داوا لە خەڵکی وڵاتەکەی دەکات بە تەنیا جێی نەهێڵن، چونکە "ڕێگاکە ناهەموارە".

پەیامی فەرمی: پزشکیان لە پۆستێکیدا لە تۆڕی کۆمەڵایەتیی ئێکس نووسیویەتی "خەڵکی ئازیزی ئێران هەڵبژاردن تەواو بوو و ئەمە تازە سەرەتای هاوڕایی ئێمەیە. ڕێگەی ناهەمواری بەردەممان بە هاوڕایی، هاوسۆزی و متمانەی ئێوە نەبێت هەموار نابێت، دەستم بەرەو ئێوە درێژ دەکەم و بە شەرەفم سوێند دەخۆم کە لەم ڕێگەیە بە تەنیا جێتان ناهێڵم، ئێوەش بەتەنیا جێم مەهێڵن."

 

لەلایەکی دیکەوە: پزشکیان لە تۆڕی کۆمەڵایەتیی ئینستاگرام نووسیویەتی "سوپاس ئێران، خاکی بەرپێی خەڵکی ئێران، مەسعود پزشکیان."

ئەوەی پێویستە بیزانیت: دوێنێ هەینی لە گەڕی دووەمی هەڵبژاردندا، پزشکیان بە بەدستهێنانی 52٪ـی دەنگەکان پۆستی سەرۆککۆماری ئێرانی بردەوە.