گەشتی فڕۆكەوانی نێوان عێراق و چین دەستیپێكردەوە

ئاڤا نیوز

دوای چەند ساڵێک لە پچڕانی گەشتە ئاسمانییەكانی نێوان عێراق و چین، ئەمڕۆ شەممە یەكەم گەشت لە فڕۆكەخانەی بەغداوە بەرەو فڕۆكەخانەی "پەكین داشیكنگ" دەستیپێكردەوە.

وێنە گەورەكە: لەماوەی پێنج ساڵی ڕابردوودا، عێراق و چین چەندین ڕێككەوتنی ئابورییان واژۆ كردووە و لەماوەی دوو ساڵدا قەبارەی ئاڵوگۆڕی بازرگانی نێوان ئەو دوو وڵاتە گەیشتووەتە 50 ملیار دۆلار.

ڕاگەیێنراوی فەرمی: هێڵی ئاسمانی عێراقی ڕایگەیاند: لە ئەمڕۆوە هەفتانە ڕۆژانی شەممە و سێشەممە لە عێراقەوە فڕۆكەی هێڵی ئاسمانی گەشتی بۆ چین دەبێت، هەمان هەفتە ڕۆژانی یەكشەممە و چوارشەممە لە چینەوە بەرەو بەغدا گەشت بەردەست دەبێت.

ئەوەی پێویستە بیزانیت: هێڵی ئاسمانی عێراقی ڕایگەیاندووە، لەو گەشتانە فڕۆكەی جۆری Dreamliner بەكاردێت كە توانای گەشتی دووری هەیە. هەر گەشتێك زیاتر لە هەشت كاتژمێر دەخایەنێت.