پەرلەمانی ئەڵمانیا دەیەوێت بە یاسایەک سێگۆشەی سووری "حەماس" قەدەغە بکات

ئاڤا نیوز

پەرلەمانی ئەڵمانیا دەنگی بە یاسایەک دا کە هێمای هەڵگەڕاوەی "سێگۆشەی سوور" قەدەغە بکات، ئەو هێمایەی حەماس لە گرتە ڤیدیۆییەكانی بۆ ناسینەوەی ئامانجەکانی ئیسرائیل بەکاری دەهێنێت.

وێنە گەورەکە: ئەو پێشنیازە کە لە ئەنجوومەنی پیران پەسەند کراوە، ئاماژەی بەوەداوە ئایکۆنی" سێگۆشەی سوور" نوێنەرایەتی هەڕەشەیەکی ڕاستەوخۆیە بۆ سەر جووەکان و خەڵکی پابەند بە ئازادی و ئاسایشی ئیسرائیل، پێویستە لە ناڕەزایەتییەکان و لە چوارچێوەی ململانێکانی ڕۆژهەڵاتی ناوەڕاستدا قەدەغە بکرێت.

زانیاریی زیاتر: بەپێی هەواڵێكی ڕۆژنامەی تێلیگرافی بەریتانی، دەنگدانەکە لە ئەنجوومەنی پیران بە پشتیوانی هاوپەیمانی گەورەی دەسەڵاتداری مەسیحی دیموکراتەکان و سۆسیال دیموکراتەکان و پارتی بەدیل بۆ ئەڵمانیای ڕاستڕەوی توندڕەو، پەسەندکرا.

ڕاگەیێنراوی فەرمی: ڤاسیل فرانکۆ، سیاسەتمەداری پارتی سەوز ڕایگەیاند: ئۆپۆزیسیۆن ڕەخنەی لەو پێشنیازە گرتووە، قەدەغەکردنی هێماکان لە ڕووی یاسایی و دەستوورییەوە بە جێی پرسیار دادەنێت.

لە لایەکی دیکەوە: نیکلاس شرادەر، پەرلەمانتاری پارتی چەپ هۆشداریدا لەوەی قەدەغەکردنی ئەم کارە بەبێ ئاگاداری ڕێکخراوەکانی دیکە نایاساییە.