مەندەلاوی بۆ باڵیۆزی تورکیا: دەبێت ڕێز لە سەروەری عێراق بگرن

ئاڤا نیوز 

سەرۆکی بە وەکالەتی پەرلەمانی عێراق لەگەڵ باڵیۆزی تورکیا لە بەغدا کۆبووەوە، جەختی لەسەر "ڕێزگرتن لە سەروەری عێراق" کردەوە.

وێنە گەورەکە: موحسین مەندەلاوی، سەرۆکی بە وەکالەتی پەرلەمانی عێراق پێشوازیی لە ئانل بۆرا ئینان، باڵیۆزی تورکیا لە عێراق کرد چەندین پرسیان تاوتوێ کرد لەوانەش پرسی ئەمنیی و ئاو و پەیوەندییە هاوبەشەکان.

ڕاگەیێنراوی فەرمی: نووسینگەی ڕاگەیاندنی سەرۆکی پەرلەمان بە وەکالەت ڕایگەیاند: موحسین مەندەلاوی جەختی لەسەر ڕێزگرتن لە سەروەری وڵات و بنەمای دراوسێیەتی باش کردەوە و جەختیشی لەسەر بەرزکردنەوەی ئاستی هەماهەنگی ئەمنیی و هەواڵگری نێوان هەردوو وڵات کردەوە.

زانیاریی زیاتر: بەپێی ڕاگەیێنراوەکە مەندەلاوی گرنگیی چاودێریکردنی جێبەجێکردنی ڕێککەوتنە هاوبەشەکان دووپاتکردەوە، بە تایبەتی لە چارەسەرکردنی پرسی ئاو و یاداشتی چوار قۆڵیی ڕێگەی گەشەپێدانی ستراتیژی نێوان عێراق، تورکیا، قەتەر و ئیمارات.