بایدن لوتکەی ناتۆ لە بەرژەوەندیی خۆی دەقۆزێتەوە

ئاڤا نیوز

 

 جۆ بایدن بەشداری لوتکەی ناتۆ دەکات و دەیەوێت لوتکەکە لە بەرژەوەندیی خۆی بقۆزێتەوە.

 

چیرۆکی سەرەکی: سەرکردەی وڵاتانی ناتۆ لە واشنتن بەبۆنەی 75 ساڵەی دامەزراندنی ڕێکخراوەکە، کۆدەبنەوە.

 

بۆچی گرنگە: ئەم کۆبوونەوەیە دەرفەتێکە بۆ جۆ بایدن، تاوەکو دڵنیایی بداتە هاوپەیمانانی کە وەک بەربژێری پۆستی سەرۆکایەتی دەمێنێتەوە. 

 

وێنە گەورەکە: لەو کۆبوونەوەیەدا کە زۆرینەی وڵاتانی زلهێزی جیهان بەشدارن، بایدن هەوڵدەدات هاوپەیمانەکانی دڵنیا بکاتەوە لەبارەی تواناکانی بۆ مانەوەی لە دەسەڵات، لەکاتێکدا داوا دەکرێت لە کێبڕکێی هەڵبژاردن بکشێتەوە.

 

گۆشەیەکی دیکە: ئیمانوێل ماکرۆن، سەرۆکی فەرەنسا بەشداری لە لوتکەکەدا دەکات، هەرچەندە ڕووبەڕووی ئاستەنگ بووەتەوە لە پێکهێنانی حکومەت دوای هەڵبژاردنەکانی وڵاتەکەت و بەدەستهێنانی پلەی دووەم. 

 

لەلایەکی دیکەوە: ڤۆلۆدیمیر زێلێنسکی، سەرۆکی ئۆکرانیا میوانی لوتکەکە دەبێت، بەپێی زانیارییەکان داوای سیستەمی بەرگریی ئاسمانی و فڕۆکەی جەنگیی زیاتر لە هاوپەیمانان دەکات.