فایەق زێدان لەبارەی پەیوەندی بە ئێرانەوە وەڵامی سیناتۆرێکی ئەمریکی دەداتەوە

ئاڤا نیوز

 

سەرۆکی ئەنجوومەنی دادوەریی عێراق لە بەرامبەر تۆمەتبارکردنی بە پەیوەندی لەگەڵ ئێران لەلایەن سیناتۆرێکی ئەمریکیییەوە دەڵێت، گرنگی بەو قسانە نادەین کە بەربنەمای زانیاریی هەڵەن.

 

وێنە گەورەکە: لە کۆتایی مانگی ڕابردوو مایک واڵتز، ئەندامی کۆنگرێسی ئەمریکا سەرۆکی ئەنجوومەنی باڵای دادوەریی عێراق بە پیاوی ئێران ناوی برد و لە هەوڵی ئەوەدایە ناوی بخاتە لیستی لایەنگرانی ئێران. 

 

لێدوانی فەرمی: فایەق زێدان، سەرۆکی ئەنجوومەنی باڵای دادوەریی عێراق لە دیمانەیەکدا ڕایگەیاند، "بە گرنگییەوە سەیری لێدوانی ئەو ئەندام کۆنگرێسەی ئەمریکی ناکەین، چونکە هەڵوێستی حکومەت و کۆنگرێسی ئەمریکا لە بەرامبەر ئێمەدا دەزانین".

 

زانیاریی زیاتر: فایەق زێدان هۆکاری ئەو لێدوانە دەگەڕێنێتەوە بۆ "زانیاریی هەڵە" کە لەلایەن کەسانێک لە ناوخۆ و دەرەوەی عێراق پێشکەش کراون کە زەرەمەندی بڕیارەکانی دادگەن".