کتێبی "بۆ مێژوو"ـی سەرۆک بارزانی وەردەگێڕدرێتە سەر زمانی فەرەنسی

ئاڤا نیوز

 

کتێبی "بۆ مێژوو"ـی سەرۆک بارزانی وەردەگێڕدرێتە سەر زمانی فەرەنسی و لەم هەفتەیە لە وڵاتی فەرەنسا بڵاو دەکرێتەوە.

 

وێنە گەورەکە: کتێبی بۆ مێژووی سەرۆک بارزانی پێشووتر وەرگێردراوەتە سەر زمانەکانی عەرەبی، ئینگلیزی، فارسی، تورکی و ڕووسی، هەروەها بە شێوەزارەکانی کوردی سۆرانی، بادینی و کورمانجی بەردەستن، دەزگای چاپ و بڵاوکردنەوەی هەرمەتان بۆ ماوەی نۆ مانگ کاری وەرگێڕانی کتێبەکەی بۆ سەر زمانی فەرەنسی کردووە.

 

لێدوانی فەرمی: د. بەختیار حوسێن قەڵادزەیی، لە ڕووی زمانەوانی هەڵسەنگاندنی بۆ کتێبەکە کردووە بە ئاڤا نیوزی گوت، "یەکەمجارە مێژووی کورد بە کتێبێک وەردەگێڕدرێتە سەر زمانی فەرەنسی".

 

ئەوەی پێویستە بیزانیت: کتێبی (بۆ مێژوو)ـی سه‌رۆک بارزانی کتێبێکی بەڵگەیی، دۆکیۆمێنتاریی سیاسی و مێژووییە،  تایبەتە بە هەوڵ و خەباتی نەتەوەی کورد لەپێناو سەربەخۆیی کوردستان و مێژووی کۆنی کورد لە سەردەمی عوسمانی و سەفەوی، بوونیادنانەوەی کوردستان لە ساڵی 1991 و دەستەبەربوونی مافەکانی و بەتایبەتی پرۆسەی ڕیفراندۆم بۆ سەربەخۆیی کوردستان.