لە ماوەیەکی نزیکدا سەرجەم پارەی گەنمی جووتیاران دەنێردرێت

ئاڤا نیوز 

 

وێڕای ئەوەی پڕۆسەی وەرگرتنی گەنمی جووتیاران کۆتایی هاتووە، بەڵام هێشتا بەغدا 515 ملیار دینار شایستەی جووتیارانی نەناردووە و بەڕێوەبەری کشتوکاڵی هەولێر دەڵێت "بەڵێن دراوە بەمنزیکانە بینرێن".

 

وێنە گەورەکە: ئەمساڵ پرۆسەی بەبازاڕکردنی گەنمی جووتیاران لە 06-06-2024 دەستیپێکرد و ئەمڕۆش کۆتاییهات. بڕی گەنمی وەرگیراوی جووتیارانی هەرێمی کوردستان 658 ملیۆن و 974 هەزار و 940 تۆن گەنم بووە.

 

لێدوانی فەرمی: هێمن سەید موراد، بەڕێوەبەری گشتیی کشتوکاڵی هەولێر بە ئاڤا نیوزی ڕاگەیاند: ئەو پارەیەی بۆ گەنمی جووتیاران تەرخان کراوە لەسەر بودجەی سیادییە، هیچ گرفتێک لە ناردنی نییە و وەزارەتی بازرگانی عێراق بەڵێنی داوە لە نزیکترین کات بینێرێت، بەڵام ئەوان بە چەند قۆناغێک دەینێرن.

 

زانیاریی زیاتر: بەپێی گوتەی بەڕێوەبەری کشتوکاڵی هەولێر، ئەو جووتیارەی زووتر گەنمی ڕادەست کردبێت، زووتر پارەی پێ دەدرێت. 

 

ئەوەی پێویستە بیزانیت: کۆی گشتی شایستەی جووتیاران نزیکەی 590 ملیار دینارە، تاوەکو ئێستا 74 ملیار و 500 ملیۆن دینار بەدوو قۆناغ گەیشتووە و دابەش کراوە.