لەسەرەتای ساڵەوە 700 هەزار گەشتیار و سەردانیكار چوونەتە دووكان

ئاڤا نیوز  

بەڕێوبەری گەشتوگوزاری دووکان ڕایگەیاند، لە سەرەتای ساڵەوە تاکو ئێستا 700 هەزار سەردانیکار و گەشتیار سەردانی ناوچە گەشتیاریەکانی قەزای دووکانیان کردووە.

وێنە گەورەکە: ساڵانە وەرزی گەرما و لە جەژن و بۆنەکاندا، گەشتیاران لە شارەکانی ناوەڕاست و خوارووی عێراق ڕوو لە شوێنە گەشتیارییەکانی هەرێمی کوردستان دەکەن.

لێدوانی فەرمی: ڕێژین ڕەئوف، بەڕێوەبەری گەشتوگوزاری دووکان بە ئاڤا نیوزی ڕاگەیاند: "لە سەرەتای ساڵی 2024ەوە تاکو ئێستا 700 هەزار سەردانیکار و گەشتیار سەردانی ناوچە گەشتیاریەکانی قەزای دووکانیان کردووە، ئێمە بە بەردەوام ئامادەکاری تەواومان کردووە بۆ پێشوازیکردن لە گەشتیاران".

ئەوەی پێويستە بیزانیت: تابلۆی ڕێنمایی لە شوێنە گەشتیاریەکانی دووکان هەڵواسراوە بۆ ئەوی هاووڵاتیان دووربن لە مەلەکردن بۆ کەمبوونەوەی دیاردەی خنکان، تاوەکو ئێستا لە دووکان دوو حاڵەتی خنکان ڕوویانداوە.

باکگراوند: لە شەش مانگی یەکەمی ساڵی 2023دا، نزیکەی 500 هەزار سەردانیکار و گەشتیار سەردانی ناوچە گەشتیارییەکانی قەزای دووکانیان کردووە.