توێژینەوەیەکی نوێ: کچان لە کوڕان زیاتر ئاڵوودەی مۆبایل دەبن

ئاڤا نیوز

 

لە توێژینەوەیەکی نوێدا دەرکەوتووە، ئەوانەی زیاتر ڕووبەڕووی دڵەڕاوکێ و خەمۆکی و تەنیایی دەبنەوە، ئەو کەسانەن زۆر مۆبایل بەکاردەهێنن، بەتایبەت هەرزەکاران و ڕێژەی کچانیش زۆرترە.

 

چیرۆکی سەرەکی: توێژەران دابوک نۆ و می سوو شیم لە ئەمریکا توێژینەوەیەکی نوێیان لەبارەی بەکارهێنانی مۆبایل کردووە و تێیدا دەرکەوتووە هەرزەکاران زیاتر پشت بە مۆبایلی زیرەک دەبەستن  و خێراتر ئاڵوودە دەبن.

 زانیاریی زیاتر: بەپێی توێژینەوەکە ڕێژەی ئاڵوودەبوون بە مۆبایل لەناو کچان زیاترە و گەیشتووەتە 30%، لەکاتێکدا ڕێژەی ئاڵوودەبوونی کوڕان 21% بووە. هەروەها هەرزەکارانی ئەو خێزانانەی کە باری ئابوورییان خراپە، زیاتر  مۆبایل بەکاردەهێنن.

 

خاڵی نەرێنی: لە ناو ئەو گرووپەی توێژینەوەیان لەسەر کراوە، دەرکەوتووە 53 %ی هەرزەکاران بەهۆی زۆر بەکارهێنانی مۆبایل ڕووبەڕووی دڵەڕاوکێ و خەمۆکی و گۆشەگیری بوونەتەوە.