لاهوور جەنگی: چیدیكە لە بافڵ و قوباد تاڵەبانی قبوڵ ناكرێت

ئاڤا نیوز  

لاهوور جەنگی سەبارەت بە كوشتنی چایچییەكەی سلێمانی لەلایەن كارمەندێكی كۆماندۆوە دێتە قسە، دەڵێت "ئەوەی لەم شارە دەگوزەرێ بافڵ تاڵەبانی لێی بەرپرسە".

چیرۆکی سەرەکی: ئێوارەی ڕۆژی 26-7-2024، کارمەندێکی کۆماندۆ لە بازاڕی لەفەفرۆشانی گەڕەکی ڕاپەڕینی شاری سلێمانی، سەردانی چایخانەیەک دەکات و لەگەڵ چایچییەکی تەمەن 30 ساڵ دەبێتە دەمەقاڵێیان، بەڵام بەبێ شەڕ کۆتایی دێت، کاتژمێر 09:30 خولەکی شەوی دواتر لە هەمان شوێن جارێکی دیکە دەمەقاڵێ دروست دەبێت و كارمەندەكەی كۆماندۆ چایچییەكە دەكوژێت.

لێدوانی فەرمی: لاهوور جەنگی، سەرۆكی هاوپەیمانیی بەرەی گەل، لە كۆنفڕانسێكی ڕۆژنامەوانیدا ڕایگەیاند: "هێزی كۆماندۆ سەر بە هێزەكانی 70یە و بۆی نییە لەنێو شار و شارۆچكەكان خەڵك دەستگیر بكات، ئەوە ئەركی پۆلیس و ئاسایشە كە بە بڕیاری دادوەر تۆمەتبار دەستگیر بكەن".

زانیاریی زیاتر: "ئەوەی ئێستا لە سلێمانی دەگوزەرێت، بافڵ تاڵەبانی لێی بەرپرسە و چیدیكە لە بافڵ و قوباد تاڵەبانی قبوڵ ناكرێت وا لە شاری سلێمانی بكەن، وەبەرهێنەرتان نەهێشت لەم شارە، بەڵام كار بگاتە ئەوەی كە چایچییەكی قوڕبەسەر سەرسەرییەكی كۆماندۆ گوللەیەك بنێت بە سەرییەوە ئەمە قابیلی قبوڵ نییە".