لە خەلیفان بەهۆی ئاگرەوە 30 دۆنم پووش و پاوان و دار سووتان

ئاڤا نیوز

لە چیای بەنی هەریر لە سنوری قەزای خەلیفان ئاگر کەوتەوە، بووە هۆی سووتانی 30 دۆنم پوش و پاوان داری سرووشتی.

وێنە گەورەکە: کاتژمێر دوو و نیوی شەوی ڕابردوو لە چیای بەنی هەریر ئاگر کەوتەوە تیمەکانی بەرگریی شارستانی قەزای خەلیفان ئاگرەکەیان کۆنترۆڵکرد و توانرا 500 سەر ئاژەڵ ڕزگار بکرێت.

لێدوانی فەرمی: ڕائید ڕەوەند هاودیانی، گوتەبێژی بەرگریی شارستانی سۆران بە ئاڤا نیوزی ڕاگەیاند: دوای ئاگادارکردنەوەی تیمەکانمان لە هەبوونی ئاگرێک لە چیای بەنی هەریر تواندار لە ماوەی سێ کاتژمێر ئاگرەکە بە هاوکاری دژەتیرۆری کوردستان و زێرەڤانی کۆنتڕۆڵبکرێت.

زانیاریی زیاتر: هۆکاری کەوتنەوەی ئاگرەکە نادیارە و لێکۆڵینەوەکان بەردەوامن بۆ دۆزینەوەی هۆکاری کەوتنەوەی ئاگرەکە.