تورکیا کوژرانی هەنیە سەرکۆنە دەکات

ئاڤا نیوز

 

وەزارەتی دەرەوەی تورکیا بەتووندی سەرکۆنەی کوژرانی ئیسماعیل هەنیە، سەرۆکی مەکتەبی سیاسیی حەماس دەکات کە کەسێکی نزیک بووە لە ڕەجەب تەیب ئەردۆغانی سەرۆککۆماری تورکیا.

 

وێنە گەورەکە: بەرەبەیانی ئەمڕۆ، ئیسماعیل هەنیە، سەرۆکی مەکتەبی سیاسیی حەماس لە تاران لە ڕێگەی مووشەکەوە کرایە ئامانج و حەماس هەواڵی کوژرانی سەرکردەکەیانی پشتراستکردەوە.

 

ڕاگەیێنراوی فەرمی: وەزارەتی دەرەوەی تورکیا ڕایگەیاند، "سەرکۆنەی تیرۆرکردنی ئیسماعیل هەنیە سەرۆکی مەکتەبی سیاسیی حەماس دەکەین کە لە هێرشێکی ترسنۆکانە لە تاران تیرۆرکرا".

 

زانیاریی زیاتر: تورکیا ئەم هێرشە بە هۆکارێک بۆ بەرفراوان بوونی شەڕی غەززە بۆ شەڕێکی ناوچەیی دەزانێت.