ئێران: خوێنی ئیسماعیل هەنیە بەفیڕۆ ناچێت

ئاڤا نیوز

 

لەیەکەم لێدوانیدا وەزارەتی دەرەوەی ئێران ڕایگەیاند، خوێنی ئیسماعیل هەنیە بەفیڕۆ ناچێت و لێکۆڵینەوە لە ڕووداوەکە دەکرێت.

 

وێنە گەورەکە: بەیانیی ئەمڕۆ بزووتنەوەی حەماس کوشتنی ئیسماعیل هەنیە، سەرۆکی مەکتەبی سیاسی بزووتنەوەکەی لە تاران ڕاگەیاند.

 

لێدوانی فەرمی: ناسر کەنعانی، گوتەبێژی وەزارەتی دەرەوەی ئێران ئاماژەی بەوە داوە، لایەنە پەیوەندیدارەکان هێشتا بەردەوامن لە لێکۆڵینەوە لە ڕەهەند و وردەکارییەکانی ڕووداوی کوژرانی ئیسماعیل هەنیە لە تاران، ئەو کارە پەیوەندی نێوان ئێران و فەلەستین پتەوتر دەکات.

 

زانیاریی زیاتر: گوتەبێژەکەی وەزارەتی دەرەوەی ئێران هەڕەشە دەکات و دەڵێت، "خوێنی ئیسماعیل هەنیە بەفیڕۆ ناچێت".
 
لەلایەکی دیکەوە: سوپای پاسدارانی ئێران ڕایگەیاندووە، دوای لێکۆڵینەوە لە ڕووداوەکە ئەنجامەکان ڕادەگەیەنن.