لە سلێمانی بۆ ڕێگریكردن لە پەتای سكچوون چەند ڕێکارێک دەگیرێتەبەر

ئاڤا نیوز  

لە سنووری پارێزگای سلێمانی، چەند ڕێکارێک بۆ کۆنتڕۆڵکردنی پەتای سکچوون دەگیرێتەبەر.

وێنە گەورەکە: بەڕێوەبەرایەتیی خۆپاراستنی تەندروستیی سلێمانی، چەند ڕێکارێک بۆ ڕێگەگرتن لە زیاتر تەشەنەسەندن و کۆنتڕۆڵکردنی پەتای سکچوون دەگرێتە بەر.

ڕاگەیێنراوی فەرمی: بەڕێوەبەرایەتیی خۆپاراستنی تەندروستیی سلێمانی  ڕایگەیاند: لەمەودوا تیمەکان وەرگرتن و پشکنینی نموونەی ئاو بەتایبەتی ئاوی شەمعەکان و تەنکی سەرەکیی ئاوی پرۆژەکان و ئاوی ماڵان زیاتر دەکەن، هەروەها زیاتر جەخت لە قەدەغەکردنی فرۆشتنی ئەو سەوزانەی کە بە ئاوی قورس ئاو دەدەرێن دەکەنەوە، هاوکات چاودێریی چڕتری ڕێستۆرانت و شوێنە گشتییەکان دەکەن.

زانیاریی زیاتر: یەکێک لەو ڕێکارانەی کە بەڕێوەبەرایەتیی خۆپاراستنی تەندروستیی سلێمانی لەمەودوا دەیگرێتەبەر، جەختکردنەوەیە لە بەکارهێنانی ئاوی پاک لە ساردەمەنییەکان، هەروەها ئەنجامدانی پکشنینی نموونەی ئەو ئاوەی بەکاریدەهێنن.